दुई लघुवित्त कम्पनीले आफ्नो सेयर संरचना परिमार्जन गरेका छन्। नेप्सेमा सूचीकृत सूर्योदय वोमी लघुवित्त र कालिका लघुवित्तले आफ्नो सेयर संरचना परिमार्जन गरेका हुन्।
सूर्योदय वोमी लघुवित्तले सेयर संरचना परिमार्जन गर्दै संस्थापक समूहको ६७.२९ प्रतिशत र सर्वसाधारणको ३२.७१ प्रतिशत कायम गरेको छ। यसका लागि संस्थाले २ लाख ९९ हजार ९२३.२५ कित्ता संस्थापक सेयर सर्वसाधारणमा परिणत गरेको छ।
त्यसैगरी, कालिका लघुवित्तले पनि सेयर संरचना परिमार्जन गर्दै ५४.५२ प्रतिशत संस्थापक सेयर र ४५.४८ प्रतिशत सर्वसाधारण सेयर कायम गरेको छ। यसका लागि संस्थाले ४ लाख ७ हजार ६९२.३० कित्ता संस्थापक सेयर सर्वसाधारणमा परिणत गरेको छ।
प्रतिकृया