सङ्घीय संसद्अन्तर्गतका विभिन्न समितिका बैठकहरू आज बस्ने भएका छन्।
संसद् सचिवालयका अनुसार बिहान ११:०० बजे कानुन, न्याय तथा मानवअधिकार समिति, कृषि, सहकारी तथा प्राकृतिक स्रोत समिति, महिला तथा सामाजिक मामिला समिति, शिक्षा, स्वास्थ्य तथा सूचना प्रविधि समिति तथा विकास, आर्थिक मामिला र सुशासन समितिको बैठक बस्नेछ।
यस्तै, बिहान ११:३० बजे राज्यका निर्देशक सिद्धान्त, नीति र दायित्व कार्यान्वयन अनुगमन तथा मूल्याङ्कन समितिको बैठक निर्धारित गरिएको छ।
शिक्षा समितिको बैठकमा दशौँ राष्ट्रिय खेलकुद प्रतियोगिताको तयारी र युवा तथा खेलकुद मन्त्रालयसँग सम्बन्धित विषयमा छलफल हुनेछ।
त्यसैगरी, विकास समितिको बैठकमा ‘नेपाल अतिकम विकसित राष्ट्रबाट विकासशील राष्ट्रमा स्तरोन्नति हुने’ विषयमा गैरसरकारी संस्था, नागरिक समाज तथा सरोकारवालासँग छलफल गरिनेछ।
![सेयर बजारका लागि कस्तो आयो मौद्रिक नीति ? [भिडियोसहित]](https://bajarkochirfar.com/wp-content/uploads/2026/07/maxresdefault-1-150x150.jpg)
प्रतिकृया