शिवश्री हाइड्रोपावरको हकप्रद सेयर बाँडफाँड सम्पन्न

शिवश्री हाइड्रोपावर लिमिटेडले निष्काशन गरेको हकप्रद सेयर बाँडफाँड सम्पन्न भएको छ। बिक्री प्रबन्धक सिटिजन्स क्यापिटलका अनुसार असोज ३१ गते सेयर बाँडफाँड गरिएको हो।

कम्पनीले भदौ ११ गतेदेखि असोज २३ गतेसम्म १:१ को अनुपातमा हाल कायम चुक्ता पुँजीको १०० प्रतिशत अर्थात् १ अर्ब ४७ करोड ६४ लाख रुपैयाँ बराबरको १ करोड ४७ लाख ६४ हजार कित्ता हकप्रद सेयर निष्काशन गरेको थियो। यसमध्ये रितपूर्वक आवेदन दिने सेयरधनीलाई १ करोड ३८ लाख ९८ हजार १ सय ५५ कित्ता सेयर बाँडफाँड गरिएको छ। बाँकी ८ लाख ६५ हजार ८ सय ४५ कित्ता सेयर लिलाममा जानेछन्।

Ads

Ads

Ads