हालसालै आइपिओ जारी गरेको सागर डिस्टिलरी लिमिटेडले चालु आर्थिक वर्षको पहिलो त्रैमाससम्मको अपरिष्कृत वित्तीय विवरण प्रकाशित गरेको छ। प्रकाशित विवरणअनुसार, कम्पनीले समीक्षा अवधिमा १ करोड ५३ लाख रुपैयाँ घाटा व्यहोरेको छ। अघिल्लो वर्षको सोही अवधिमा कम्पनी १ करोड ७५ लाख रुपैयाँ घाटामा थियो।
बिक्री आम्दानी १३६.८९ प्रतिशतले बढ्नु र अन्य सञ्चालन आम्दानी आर्जन हुनुले घाटामा केही कमी आउन मद्दत गरेको हो।
🔴 Quarterly Report LIVE Update [Q1]: नेप्सेमा सूचीकृत कम्पनीहरूको वित्तीय विवरणको LIVE अपडेट
पहिलो त्रैमाससम्ममा कम्पनीको बिक्री आम्दानी १३६.८९ प्रतिशतले बढेर ५ करोड ९९ लाख रुपैयाँ पुगेको छ। अघिल्लो वर्षको सोही अवधिमा यो आम्दानी २ करोड ५३ लाख रुपैयाँ मात्र थियो।
यस्तै, कम्पनीले समीक्षा अवधिमा २७ लाख ७८ हजार रुपैयाँ अन्य सञ्चालन आम्दानी आर्जन गरेको छ।
कम्पनीको कर्मचारी सुविधा खर्च १ करोड ४९ लाख रुपैयाँ, प्रशासनिक तथा अन्य सञ्चालन खर्च २६ लाख ७६ हजार रुपैयाँ, र बिक्री तथा वितरण खर्च १ करोड ३५ लाख रुपैयाँ रहेको विवरणमा उल्लेख छ।
समीक्षा अवधिसम्म कम्पनीको प्रतिसेयर आम्दानी ऋणात्मक ८.४४ रुपैयाँ र प्रतिसेयर नेटवर्थ १०३.४७ रुपैयाँ रहेको छ।
प्रतिकृया