सागर डिस्टिलरी लिमिटेडले तेस्रो वार्षिक साधारण सभा आगामी पुस २७ गते आयोजना गर्ने भएको छ। पुस ३ गते बसेको कम्पनीको सञ्चालक समितिको बैठकले नवलपुरको गैँडाकोटस्थित इला रिसोर्टमा बिहान साढे ९ बजेदेखि साधारण सभा आयोजना गर्ने निर्णय गरेको हो।
सभामा सञ्चालक समितिको तर्फबाट अध्यक्षद्वारा प्रस्तुत आर्थिक वर्ष २०८१/८२ को वार्षिक प्रतिवेदनमाथि छलफल गरी पारित गरिनेछ। साथै, लेखापरीक्षकको प्रतिवेदनसहित २०८२ असार मसान्तसम्मको वासलात तथा आर्थिक वर्ष २०८१/८२ को नाफा–नोक्सान हिसाब, नगद प्रवाह विवरणसहितका वित्तीय विवरणहरू पनि छलफल गरी पारित गरिनेछ।
यसैगरी, आर्थिक वर्ष २०८२/८३ को लेखापरीक्षणका लागि लेखापरीक्षक नियुक्ति तथा निजको पारिश्रमिक निर्धारण गर्ने, दुई जना सर्वसाधारण सञ्चालकको निर्वाचन गर्ने र एक जना सञ्चालकको नियुक्तिलाई अनुमोदन गर्ने प्रस्ताव सभामा पेश गरिनेछ।
साधारण सभा प्रयोजनका लागि कम्पनीले पुस १४ गते एक दिनका लागि बुक क्लोज गर्ने निर्णय गरेको छ।
प्रतिकृया