४२ प्रतिशत लाभांश वितरण गर्ने घोषणा पश्चात् पनि एनआरएनको सेयरमूल्य लाग्यो ओरालो

२०८२ कार्तिक २६ गते

४२ प्रतिशत लाभांश वितरण गर्ने घोषणा पश्चात् पनि एनआरएनको सेयरमूल्य लाग्यो ओरालो

बजार खुल्नुअघि नै ४२ प्रतिशत लाभांश वितरण गर्ने घोषणा गरेको एनआरएनको सेयरमूल्य आज बजार बन्द हुँदा ५० अंकले घटेर १९९५ रुपैयाँमा पुगेको छ। बिहान प्रि ओपन सेसनमा २०४५ रुपैयाँमा खुलेको सेयर कारोबार बजार बन्द हुदासम्म २६ अंकले घटेको हो। आज कम्पनीको १ लाख ९८ हजार ३६१ कित्ता कारोबार भएको छ ।

सामान्यतया बोनस वा लाभांश घोषणा पछि सेयर मूल्य बढ्ने प्रवृत्ति रहँदै आएको भएपनि यस पटक भने बजारमा त्यसको उल्टो असर देखिएको छ। हाल सेयरबजार लगातार ओरालो लाग्दै गएको छ, जसले लगानीकर्ताको मनोबलमा नकारात्मक प्रभाव पारेको छ। धेरै कम्पनीहरूले आकर्षक लाभांश घोषणा गरे पनि लगानीकर्तामा उत्साह देखिएको छैन।