अर्को हप्ता नेप्से दुई दिन मात्र खुल्ने

नेपाल स्टक एक्सचेञ्ज (नेप्से) अर्को हप्ता केवल सोमबार, फागुन ४ गते र मंगलबार, फागुन ५ गते मात्र नियमित कारोबारका लागि खुल्ने भएको छ।

हप्ताको पहिलो दिन आइतबार, फागुन ३ गते, महाशिवरात्री पर्वको अवसरमा सरकारले देशभर सार्वजनिक बिदा दिएकोले बजार बन्द रहनेछ।

हप्ताको चौथो दिन बुधबार, फागुन ६ गते, ग्याल्पो लोसार र पाँचौं दिन बिहिबार, फागुन ७ गते, प्रजातन्त्र दिवस परेको कारणले पनि सेयर बजार बन्द रहनेछ। यसअनुसार लगानीकर्ताले सोमबार र मंगलबार मात्र बजारमा कारोबार गर्न पाउनेछन्।