नेपाल एसबीआईको नाफा बढ्यो, प्रतिसेयर आम्दानी कति ?

नेपाल एसबीआई बैंकले चालु आर्थिक वर्षको दोस्रो त्रैमाससम्म ९० करोड २ लाख रुपैयाँ खुद नाफा कमाएको छ, जुन अघिल्लो वर्षको सोही अवधिको तुलनामा ७.११ प्रतिशतले धेरै हो। अघिल्लो आर्थिक वर्षमा बैंकले ८४ करोड ५ लाख रुपैयाँ नाफा आर्जन गरेको थियो।

बैंकको इम्पेयरमेन्ट चार्ज ७४ करोड रुपैयाँबाट घटेर २३ करोड रुपैयाँमा झरेको छ, जसले नाफामा सुधार ल्याएको हो। यता, बैंकको खुद ब्याज आम्दानी भने १३.७४ प्रतिशतले घटेर २ अर्ब २९ करोड रुपैयाँमा सीमित भएको छ, जबकि अघिल्लो वर्ष यो २ अर्ब ६५ करोड रुपैयाँ थियो।

Ads

Ads

Ads

बैंकको खराब कर्जा १.२६ प्रतिशतले बढेर ३.५४ प्रतिशतमा पुगेको छ।

बैंकको चुक्ता पुँजी १० अर्ब ५० करोड रुपैयाँ छ भने जगेडा कोषमा ७ अर्ब ९३ करोड रुपैयाँ सञ्चित छ। पुस मसान्तसम्म बैंकले १ खर्ब ८९ अर्ब रुपैयाँ निक्षेप संकलन गरी १ खर्ब ३३ अर्ब रुपैयाँ कर्जा प्रवाह गरेको छ।

बैंकको प्रतिसेयर आम्दानी १ रुपैयाँ १४ पैसाले बढेर १७ रुपैयाँ १५ पैसा पुगेको छ। त्यस्तै, बैंकको प्रतिसेयर नेटवर्थ १८७ रुपैयाँ ७ पैसा रहेको छ।

बैंकको वितरणयोग्य नाफा १ अर्ब २० करोड रुपैयाँ रहेको छ।

यो पनि पढ्नुहोस् 

सानिमा बैंकले कमायो १ अर्ब १९ करोड नाफा, ईपिएस कति ?
https://bajarkochirfar.com/sanima-bank-earned-a-profit-of-1-19-billion-rupees-what-is-the-eps