नेपाल माइक्रो इन्स्योरेन्सको आइपीओ बाँडफाँट, नतिजा यसरी हेर्न सकिन्छ

नेपाल माइक्रो इन्स्योरेन्स कम्पनी लिमिटेडले मंगलबार आइपीओ बाँडफाँट सम्पन्न गरेको छ। कम्पनीले श्रम स्वीकृति प्राप्त गरी विदेशमा रोजगार गरिरहेका नेपालीहरूका लागि जारी गरेको २,२५,००० कित्ता साधारण सेयर माघ २९ गते बाँडफाँट गरेको हो।

कम्पनीको ७५ करोड रुपैयाँ जारी पूँजीको ३० प्रतिशत अर्थात २२ करोड ५० लाख रुपैयाँ बराबरको २२,५०,००० कित्ता साधारण सेयर निष्कासन गरिएको थियो। सोमध्ये १० प्रतिशत (२,२५,००० कित्ता) सेयर विदेशमा कार्यरत नेपालीहरूका लागि माघ ८ गतेदेखि २२ गतेसम्म बिक्री खुला गरिएको थियो।

Ads

उक्त अवधिमा ४५,९०६ आवेदकहरूले आवेदन दिएका थिए, जसमध्ये धितोपत्र निष्कासन तथा बाँडफाँट निर्देशिका, २०७४ अनुसार २२,५०० आवेदकहरूलाई मात्र सेयर बाँडफाँट गरिएको हो।