धनुषा–१ मा किशोरी साहको रिट ‘हेर्न नमिल्ने’मा, अब आइतबार सुनुवाइ हुने

Ads

धनुषा–१ मा राष्ट्रिय स्वतन्त्र पार्टीका उम्मेदवार किशोरी साह ‘कमल’ को उम्मेदवारी खारेजविरुद्ध परेको रिट निवेदन सर्वोच्च अदालतमा शुक्रबार “हेर्न नमिल्ने”मा परेको छ। अब यस विषयमा आइतबार सुनुवाइ हुने भएको छ।

शुक्रबार न्यायाधीश शारंगा सुवेदी र टेकप्रसाद ढुंगानाको इजलासमा परेको रिट न्यायाधीश सुवेदीले नै यसअघि सोही निवेदकको सम्बन्धित मुद्दामा अन्तरिम आदेश जारी गरिसकेकाले हेर्न नमिल्ने भएको सर्वोच्च अदालतका प्रवक्ता अर्जुनप्रसाद कोइरालाले जानकारी दिए। आदेशमा यसअघि दायर भएको निवेदन र हालको निवेदन एक–आपसमा अन्तरसम्बन्धित भएकाले अर्को इजलासबाट सुनुवाइ हुने गरी चैत १ गतेका लागि पेसी तोकिएको उल्लेख छ।