कहिलेसम्म भर्न पाइन्छ एशियन लाइफ इन्स्योरेन्सको हकप्रद सेयर ?

एशियन लाइफ इन्स्योरेन्स कम्पनी लिमिटेडले असार २५ गतेदेखि बिक्री खुला हकप्रद सेयर भर्ने साउन १३ गते अन्तिम दिन रहेको छ। कम्पनीले प्रतिकित्ता १०० रुपैयाँ अंकित मूल्यमा १ बराबर ०.४२ को अनुपातमा कुल १ करोड ४२ लाख ७९ हजार ३१२.४८ कित्ता हकप्रद सेयर निष्काशन गरेको हो।

हकप्रद प्रयोजनका लागि कम्पनीले जेठ १६ गते बुक क्लोज गरिसकेको छ। त्यसैले, जेठ १४ गतेसम्म नेपाल स्टक एक्सचेन्ज (नेप्से) मा कायम सेयरधनीहरू मात्र हकप्रद सेयरमा आवेदन दिन सक्नेछन्। हकप्रद सेयरको निष्काशन तथा बिक्री प्रबन्धक मुक्तिनाथ क्यापिटल लिमिटेड रहेको छ।

Ads

Ads

Ads

लगानीकर्ताले मुक्तिनाथ विकास बैंकका बिर्तामोड, विराटनगर, जनकपुर, नारायणगढ, पोखरा–चिप्लेढुङ्गा, नेपालगञ्ज, खुर्देत, धनगढी, महेन्द्रनगर र बुटवल शाखा तथा एशियन लाइफ इन्स्योरेन्सको कार्यालयबाट आवेदन दिन सक्नेछन्। त्यस्तै, नेपाल धितोपत्र बोर्डबाट स्वीकृत आस्वा सेवामा सहभागी बैंक तथा वित्तीय संस्था र ‘मेरो सेयर’ मार्फत पनि आवेदन दिन सकिनेछ।