हिमालयन पावर पार्टनरले तोक्यो बुक क्लोज मिति, कहिलेसम्म कायम सेयरधनीले हकप्रद भर्न पाउने ?

हिमालयन पावर पार्टनर लिमिटेडले ५०% हकप्रद सेयर निष्काशनका लागि बुक क्लोज मिति तय गरेको छ। कम्पनीको सञ्चालक समितिको फागुन २८ गतेको बैठकले चैत १० गते एक दिनका लागि बुक क्लोज गर्ने निर्णय गरेको हो। बुक क्लोजको आधारमा चैत ९ गतेसम्म कायम सेयरधनीहरूले मात्र हकप्रद सेयर खरीदका लागि आवेदन दिन सक्नेछन्।

हाल कम्पनीले हकप्रद सेयर निष्काशनको मिति तय गर्न बाँकी रहेको छ। यसअघि, कम्पनीले नेपाल धितोपत्र बोर्ड (सेवोन)बाट फागुन २५ गते हकप्रद सेयर निष्काशनको अनुमति प्राप्त गरेको छ। गत असार २४ गते, कम्पनीले बोर्डमा १:०.५ अनुपातमा ५३ करोड २७ लाख ८ हजार ५०० रुपैयाँ बराबरको ५३ लाख २७ हजार ८५ कित्ता हकप्रद सेयर निष्काशन गर्न आवेदन दिएको थियो।

Ads

Ads

Ads

यो हकप्रद सेयर निष्काशन र बिक्री प्रबन्धकको जिम्मेवारी ग्लोबल आइएमई क्यापिटल लिमिटेडले सम्हालेको छ।