हिमालयन बैंकको एफपीओ बाँडफाँड, कसरी हेर्ने नतिजा ?

हिमालयन बैंकले गत असार ३१ गतेदेखि साउन ४ गतेसम्म प्रतिकित्ता १०० रुपैयाँमा ५७ रुपैयाँ प्रिमियम थप गरी कुल १५७ रुपैयाँमा ९२ लाख ५० हजार ४६९ कित्ता एफपीओ निष्काशन गरेको थियो। उक्त एफपीओमा कुल १८ लाख २५ हजार ९२२ जनाले ३ करोड ८५ लाख ९१ हजार १६० कित्ता सेयरका लागि आवेदन दिएका थिए। तीमध्ये १७ लाख ४ हजार २७३ जनाको आवेदन स्वीकृत भएको छ भने बाँकी आवेदन विभिन्न कारणले रद्द गरिएको छ।

Ads

Ads

Ads

एफपीओमा मागभन्दा बढी आवेदन परेपछि सेयर बाँडफाँड गोलाप्रथामार्फत गरिएको हो। यस प्रक्रियामा ९ लाख २५ हजार ४६ जनाले १० कित्ताका दरले सेयर प्राप्त गरेका छन्। बाँडफाँडपछि बाँकी रहेको ९ कित्ता सेयर २० कित्ता माग गरेका आवेदकहरुमध्येबाट ९ जना भाग्यमानीलाई थप एक–एक कित्ता बाँडफाँड गरिएको छ। त्यसअनुसार ती ९ जनाले ११ कित्ताका दरले सेयर प्राप्त गरेका छन्।