सरकारले राष्ट्रिय आर्टिफिसियल इन्टेलिजेन्स (एआई) नीतिको मस्यौदा तयार गरी सार्वजनिक गरेको छ। सूचना तथा सञ्चार प्रविधि मन्त्रालयले यो मस्यौदामा सरोकारवालाहरूको सुझावसमेत माग गरेको छ।
नीतिले मुख्य रूपमा सुरक्षित र दिगो एआई इकोसिस्टमको निर्माणलाई प्राथमिकता दिएको छ। साथै, एआईसँग सम्बन्धित जनशक्ति विकास, अध्ययन, अनुसन्धान, नवप्रवर्तन र उद्यमशीलताको प्रवर्द्धनलाई पनि जोड दिएको छ। एआई प्रविधिको प्रयोगमार्फत क्षेत्रगत विकास र सार्वजनिक सेवाको गुणस्तर सुधार गर्ने लक्ष्य नीतिमा समेटिएको छ।
यसका अतिरिक्त, एआई विकास र यसको सुरक्षित प्रयोगका लागि आवश्यक समन्वय, सहकार्य, नियमन र अनुगमनको संरचना निर्माण गरिने उल्लेख गरिएको छ। नवप्रवर्तन र उद्यमशीलताको प्रवर्द्धन गर्दै विद्यमान संरचनाहरूको सबलीकरण तथा क्षेत्रगत समन्वयमार्फत कुल गार्हस्थ्य उत्पादनमा एआई क्षेत्रको योगदान वृद्धि गर्ने लक्ष्य नीतिमा तय गरिएको छ।
प्रतिकृया