दुई कम्पनीको साधारण सभा आज बस्दै, यस्ता छन् प्रस्तावहरु

आज चैत १० गते नेप्सेमा सूचीकृत दुई लघुवित्त कम्पनीको वार्षिक साधारण सभा बस्दैछ।

नेष्डो लघुवित्तले १४.७५% बोनस सेयर र कर प्रयोजनका लागि ०.२५% नगद लाभांशसहित रोयल कुश्मा रिसोर्ट, पर्वतमा बिहान ११:३० बजे सभा गर्दैछ। बोनस सेयर वितरणपछि चुक्ता पुँजी वृद्धि हुने भएकाले प्रबन्धपत्र तथा नियमावली संशोधन प्रस्ताव गरिएको छ।

मानुषी लघुवित्तको सभा बिहान १०:३० बजे होटल भ्यू, भक्तपुरमा हुनेछ, तर लाभांश प्रस्ताव गरेको छैन। सभाले मर्जर वा एक्विजिशन सम्बन्धी निर्णय गर्न सञ्चालक समितिलाई अख्तियारी दिनेछ।

नेष्डोको सभा प्रयोजनका लागि फागुन २८ र मानुषीको फागुन २५ गते बुक क्लोज भएको थियो।