प्रधानमन्त्रीलाई गगन थापाको चेतावनी: ‘आइन्दा यस्तो नदोहोरियोस्’

नेपाली कांग्रेसका महामन्त्री गगन थापाले प्रधानमन्त्री केपी शर्मा ओलीले नागरिकलाई उत्तेजित बनाउने अभिव्यक्ति दिन नहुने बताएका छन्। सोमबार बसेको पार्टी पदाधिकारी बैठकपछि सञ्चारकर्मीहरूसँग कुरा गर्दै थापाले यस्तो अभिव्यक्तिप्रति कडा आपत्ति जनाउँदै प्रधानमन्त्रीलाई आगामी दिनमा सावधानी अपनाउन आग्रह गरेका हुन्।

थापाले भने, “हामीले त कसैलाई उत्तेजनामा ल्याउने काम गर्न पाइँदैन भने सम्माननीय प्रधानमन्त्रीले त्यस्तो भन्नुहुन्छ भन्ने कुरा कल्पना पनि गरिँदैन। त्यसैले जे जस्ता कुराहरू बाहिर सुनियो, त्यस्ता कुराहरू आइन्दा नदोहोरियोस्।”

Ads

Ads

Ads

उनको प्रतिक्रिया प्रधानमन्त्री ओलीले शनिबार गोदावरीमा आयोजित नेकपा (एमाले) वाग्मती प्रदेश कमिटीको कार्यक्रममा दिएको अभिव्यक्तिपछि आएको हो। उक्त कार्यक्रममा ओलीले जेठ १५ गते काठमाडौंलाई एमालेको नियन्त्रणमा राख्न निर्देशन दिएका थिए।