पर्सीदेखि सर्वसाधारणले प्रतिकित्ता १०० रुपैयाँमै जोशी हाइड्रोपावरको सेयर किन्न पाउने

जोशी हाइड्रोपावर डेभलपमेन्ट कम्पनी लिमिटेडले असोज २८ गतेदेखि करिब २ लाख कित्ता अवितरित हकप्रद सेयर सर्वसाधारणका लागि लिलाम प्रक्रिया मार्फत बिक्रीमा राख्ने भएको छ। सेयरको न्यूनतम मूल्य प्रतिकित्ता १०० रुपैयाँ निर्धारण गरिएको छ भने बोलपत्र पेश गर्दा कम्तीमा १०० कित्ता र बढीमा १० अंकले भाग जाने जुनसुकै संख्या वा सम्पूर्ण सेयर माग गर्न सकिने व्यवस्था गरिएको छ।

बोलपत्र असोज २८ गते मंगलबारदेखि कात्तिक ११ गते मंगलबार दिउँसो ३ बजेभित्र पेश गर्न सकिनेछ। बोलपत्र फाराम कम्पनीको बिक्री प्रबन्धक लक्ष्मी सनराइज क्यापिटल लिमिटेड, कमलपोखरी, काठमाडौं मा उपलब्ध हुनेछ। त्यस्तै, लक्ष्मी सनराइज बैंकका विराटनगर–हनुमानदास सडक, वीरगन्ज–आदर्शनगर, हेटौंडा, पोखरा–न्युरोड, बुटवल–मिलनचोक, वीरेन्द्रनगर–वीरेन्द्रचोक र धनगढी–लक्ष्मी नारायण चोक शाखाहरूमा पनि बोलपत्र फाराम लिन सकिने व्यवस्था गरिएको छ।

Ads

Ads

Ads