अर्थमन्त्री विष्णुप्रसाद पौडेलले आर्थिक वर्ष २०८२/८३ का लागि ल्याइएको बजेटलाई लोकप्रियभन्दा पनि यथार्थपरक बनाउने प्रयास गरिएको बताएका छन्। काठमाडौंमा इकोनोमिक मिडिया सोसाइटी (इम्सन) र नेपाल व्यवस्थापन संघले आयोजना गरेको कार्यक्रममा बोल्दै उनले एमाले पृष्ठभूमिको अर्थमन्त्रीले लोकप्रिय बजेट ल्याउँछ भन्ने स्थापित मानसिकता चिर्दै अनुशासित र व्यवहारिक बजेट ल्याउनेतर्फ आफू केन्द्रित भएको स्पष्ट पारे।
उनले भने, “मैले के गर्दा लोकप्रिय भइन्छ भनेर होइन, के गर्दा अनुशासित र प्रभावकारी बजेट बन्छ भन्ने सोचमा केन्द्रित भएर बजेट बनाएको हुँ। स्रोत व्यवस्थापन कसरी गर्ने, खर्च कसरी अनुशासित बनाउने भन्ने प्राथमिकतामा रहेर काम गरियो।”
पौडेलले यथार्थमा आधारित बजेटले स्रोतको सही परिचालन र सीमित साधनमा उच्च प्रतिफल दिने नीति अवलम्बन गर्ने बताए। बजेट निर्माणमा आएका आलोचना र सुझाव दुबैप्रति सम्मान व्यक्त गर्दै उनले मुलुकको वित्तीय अवस्था, उपलब्ध स्रोत, र प्राथमिकतालाई ध्यानमा राखेर बजेट निर्माण गरिएको बताए।
![सेयर बजारका लागि कस्तो आयो मौद्रिक नीति ? [भिडियोसहित]](https://bajarkochirfar.com/wp-content/uploads/2026/07/maxresdefault-1-150x150.jpg)
प्रतिकृया