बजारको चिरफार Evening Walk – सोमबार, १६ कार्तिक २०८३ (२ नोभेम्बर २०२६)

कार्तिक १६ गते सोमबार नेप्से परिसूचक ३२.६५ अंकले घटेर २,६५७.५० विन्दुमा बन्द भएको छ। आज सेयर बजारमा ७ अर्ब १८ करोड ३७ लाख १३ हजार ४७.१ रुपैयाँ बराबरको कारोबार भएको छ।

कारोबार भएका कम्पनीमध्ये २१ कम्पनीको सेयर मूल्य बढेको, २५२ कम्पनीको सेयर मूल्य घटेको र ६ कम्पनीको सेयर मूल्य स्थिर रहेको छ।

मुक्तिनाथ कृषि कम्पनी लिमिटेडको संस्थापक तथा कर्मचारीका नाममा रहेको ६० लाख ९३ हजार ३६० कित्ता सेयरको लकइन अवधि आगामी मंसिर १८ गते समाप्त हुने भएको छ।

कम्पनीले सार्वजनिक गरेको सूचनाअनुसार संस्थापक समूहको ६० लाख ४८ हजार कित्ता र कर्मचारीका लागि सुरक्षित गरिएको ४५ हजार ३६० कित्ता सेयरको लकइन अवधि २०८३ मंसिर १८ गते अर्थात् सन् २०२६ डिसेम्बर ४ मा समाप्त हुनेछ।

मकर जितुमाया सुरी हाइड्रोपावर लिमिटेडले सेयरधनीलाई १३ प्रतिशत बोनस सेयर वितरण गर्ने प्रस्ताव गरेको छ।

कम्पनीको कात्तिक १५ गते बसेको सञ्चालक समितिको बैठकले आर्थिक वर्ष २०८२/८३ सम्मको सञ्चित मुनाफाबाट हाल कायम चुक्ता पुँजी ७६ करोड रुपैयाँको १३ प्रतिशत बोनस सेयर वितरण गर्ने निर्णय गरेको हो।

आरएसडिसी लघुवित्त वित्तीय संस्था लिमिटेडले गत आर्थिक वर्ष २०८२/८३ को मुनाफाबाट सेयरधनीलाई ९.४० प्रतिशत नगद लाभांश वितरण गर्ने प्रस्ताव गरेको छ।

संस्थाको कात्तिक १५ गते आइतबार बसेको सञ्चालक समितिको १९१औँ बैठकले हाल कायम चुक्ता पुँजी १ अर्ब ३ करोड ४० लाख ६४ हजार ४१७ रुपैयाँको ९.४० प्रतिशतका दरले नगद लाभांश वितरण गर्ने निर्णय गरेको हो।

हिमालयन लघुवित्त वित्तीय संस्था लिमिटेडले गत आर्थिक वर्ष २०८२/८३ को मुनाफाबाट सेयरधनीलाई ५ प्रतिशत लाभांश वितरण गर्ने प्रस्ताव गरेको छ।

संस्थाको कात्तिक १३ गते शुक्रबार साँझ बसेको सञ्चालक समितिको २६२औँ बैठकले चुक्ता पुँजीको ४.७५ प्रतिशत बोनस सेयर र कर प्रयोजनका लागि ०.२५ प्रतिशत नगद लाभांश वितरण गर्ने प्रस्ताव गरेको हो।

युनिलिभर नेपाल लिमिटेडले आर्थिक वर्ष २०८२/८३ को नाफाबाट प्रतिकित्ता १ हजार ५४० रुपैयाँ लाभांश वितरण गर्ने प्रस्ताव गरेको छ। कम्पनीको असोज १४ गते शुक्रबार बसेको १९७औँ सञ्चालक समितिको बैठकले उक्त लाभांश प्रस्ताव गर्ने निर्णय गरेको हो।

गार्डियन माइक्रो लाइफ इन्स्योरेन्स लिमिटेडले मंसिर ३ गते विशेष साधारणसभा बोलाएको छ। कम्पनीको मंसिर १५ गते बसेको ६८औँ सञ्चालक समितिको बैठकले विराटनगरस्थित होटल एयरपोर्टमा दिउँसो १ बजे सभा गर्ने निर्णय गरेको हो।

विशेष साधारणसभामा संस्थापक समूहबाट प्रतिनिधित्व गर्ने ४ जना सञ्चालक र सर्वसाधारण समूहबाट रिक्त १ सञ्चालक पदमा निर्वाचन गर्ने प्रस्ताव पेस हुनेछ।