दाइजो प्रथा अन्त्य गर्दै विवाह पञ्चमीमा हिन्दू परिषद्ले ३४ जोडीको विवाह गरायो

विश्व हिन्दू परिषद् नेपालले सीताराम विवाह पञ्चमीको अवसरमा ३४ जोडीको बिना दाइजो सामूहिक विवाह आयोजना गरेको छ।

जानकी मन्दिर परिसरमा सम्पन्न यस विवाहमा परिषद्ले सबै खर्च व्यहोरेको छ। विगत ६ वर्षदेखि दाइजो प्रथा अन्त्य गर्न सामूहिक विवाह गराउँदै आएको छ। यस वर्ष बेहुलीलाई मङ्गलसूत्र, साडी, शृङ्गार, लुगा र खानाको व्यवस्था समेत परिषद्ले गरेको हो।

Ads

Ads

Ads

दाइजो बिना विवाहका लागि परिषद्ले सूचना जारी गरेर दुवै पक्षका सहमतिमा विवाह आयोजना गर्छ, जसमा अधिकांश बेहुला विपन्न वर्गका छन्। विवाहअघि, बेहुलाहरूलाई रथमा राखेर जनकपुरधाम नगर परिक्रमा गराइएको थियो।