अर्थतन्त्रका सूचकहरू सकारात्मक दिशातर्फ उन्मुख छन्: अर्थमन्त्री पौडेल
उपप्रधानमन्त्री तथा अर्थमन्त्री विष्णुप्रसाद पौडेलले नेपालको अर्थतन्त्र सुधारोन्मुख भए पनि संरचनागत चुनौतीहरू अझै कायम रहेको बताएका छन्।
आइतबार संसद्को बैठकमा आर्थिक वर्ष २०८२/८३ को बजेटमाथिको छलफलका लागि प्रस्ताव पेश गर्दै उनले यस्तो बताएका हुन्।
उनले भने, “अर्थतन्त्रका सूचकहरू सकारात्मक दिशातर्फ उन्मुख छन्, तर संरचनागत कमजोरी र विगतका असरहरूबाट पूर्ण रूपमा मुक्त भइसकेको छैन। यी चुनौतीहरू समाधान गर्न बजेटमार्फत आवश्यक नीति तथा कार्यक्रमहरू ल्याइएको छ।”
