दोर्दी खोला जलविद्युतको हकप्रद सेयर चैत १९ गतेबाट खुल्दै, कहिलेसम्म कायम सेयरधनीले भर्न पाउने?

दोर्दी खोला जलविद्युतले आगामी चैत १९ गते मंगलबारदेखि १०० प्रतिशत हकप्रद सेयर जारी गर्दैछ। कम्पनीले १ः१ अनुपातमा १ करोड ५ लाख ४२ हजार ६ सय ४ कित्ता हकप्रद सेयर जारी गर्न लागेको हो ।

कम्पनीले १ सय अंकित मूल्यमा १ अर्ब ५ करोड ४२ लाख ६० हजार ४ सय रुपैयाँ बराबरको हकप्रद सेयर निष्काशन  गर्नेछ । उक्त हकप्रद सेयरका लागि कम्पनीले फागुन १५ गते बुक क्लोज गरिसकेको छ । जस अनुसार, फागुन १४ गतेसम्म कायम लगानीकर्ताले हकप्रद सेयर भर्न पाउनेछन् । यसमा वैशाख ८ गतेसम्म आवेदन दिन सक्नेछन् ।

कम्पनीको हकप्रद सेयरमा सानिमा क्यापिटलले बिक्री प्रबन्धकको काम गर्नेछ । लगानिकर्ताले बिक्री प्रबन्धक सानिमा क्यापिटल नक्साल काठमाडौं र सानिमा बैंकको तोकिएको शाखा कार्यालयबाट आवेदन दिन सकिनेछ ।साथै धितोपत्र बोर्डबाट आस्वा अनुमति प्राप्त बैंक–वित्तीय संस्था र मेरो सेयरमार्फत आवेदन दिन सकिनेछ ।