याम्बालिङ्ग हाइड्रोपावरको १ लाख कित्ता सेयरको लकइन सकिँदै

Ads

याम्बालिङ्ग हाइड्रोपावर लिमिटेडको सामूहिक लगानी कोषका लागि छुट्याइएको १ लाख ५ हजार कित्ता साधारण सेयरको लकइन अवधि आगामी कात्तिक २९ गते समाप्त हुने भएको छ।

कम्पनीले २०८३ वैशाख ३० गते सार्वजनिक निष्काशनमार्फत बाँडफाँट गरेको साधारण सेयरमध्ये सामूहिक लगानी कोषका लागि छुट्याइएको ५ प्रतिशत सेयरको लकइन अवधि समाप्त हुन लागेको हो। उक्त सेयरको अंकित मूल्य प्रतिकित्ता १०० रुपैयाँका दरले कुल १ करोड ५ लाख रुपैयाँ बराबर रहेको कम्पनीले जनाएको छ।

Ads

यद्यपि, सामूहिक लगानी कोषको एउटा योजना परिपक्व भइसकेकाले उक्त योजनाको स्वामित्वमा रहेका ९९५ कित्ता सेयर भने नेपाल धितोपत्र बोर्डको २०८० कात्तिक २० गतेको पत्रमा भएको व्यवस्थाबमोजिम लकइन अवधि समाप्त हुनुअगावै फुकुवा गरिएको कम्पनीले जनाएको छ।

यो खबर पढेर तपाईलाई कस्तो महसुस भयो ?