नेपाल धितोपत्र बोर्डले एसियन लाइफ इन्स्योरेन्स कम्पनीलाई ४२ प्रतिशत हकप्रद सेयर निष्काशन गर्न अनुमति दिएको छ। वैशाख २६ गते धितोपत्र बोर्डले कम्पनीलाई १:०.४२ अनुपातमा हकप्रद सेयर जारी गर्न स्वीकृति दिएको हो।
अब कम्पनीले १०० रुपैयाँ अंकित दरमा १ अर्ब ४२ करोड ७९ लाख रुपैयाँबराबरका १ करोड ४२ लाख ७९ हजार कित्ता हकप्रद सेयर जारी गर्नेछ।
हाल कम्पनीको चुक्तापुँजी ३ अर्ब ३९ करोड रुपैयाँ छ भने हकप्रदपछि यो बढेर ४ अर्ब ८२ करोड रुपैयाँ पुग्नेछ। बीमा प्राधिकरणले तोकेको न्यूनतम ५ अर्ब रुपैयाँ चुक्तापुँजी पूरा गर्न बाँकी रकम बोनस सेयरमार्फत पूर्ति गरिनेछ।
हकप्रद सेयर बिक्रीको व्यवस्थापन मुक्तिनाथ क्यापिटलले गर्नेछ।
Ads
प्रतिकृया