धरान उपमहानगरपालिकाका मेयर हर्क साम्पाङले खानेपानी मन्त्रालयलाई पत्र पठाउँदै सरकारले आगामी आर्थिक वर्ष २०८२/८३ का लागि धरानको खानेपानी आयोजनामा विनियोजन गरेको ४ करोड रुपैयाँप्रति असन्तुष्टि जनाएका छन्। उनले बाँकी रकम एशियाली विकास बैंक (एडीबी)बाट ऋणमार्फत ल्याउने योजना अस्वीकार गर्दै धरान उपमहानगरपालिका अब एडीबीको ऋण नलिने स्पष्ट पारेका छन्।
साम्पाङले अघिल्लोपटक लिएको एडीबीको ऋण अझै तिर्न बाँकी रहेको उल्लेख गर्दै अबको योजना आफ्नै राष्ट्रिय आम्दानीबाट खर्च गर्न सकिने अवस्थामा मात्र अघि बढाउन सुझाव दिएका छन्। अन्यथा, “हामी आफैं खोला–खोल्सीको पानी जोडेर गुजारा गरौंला,” भन्दै विदेशी ऋणको भार थप्नु उचित नहुने चेतावनीसमेत दिएका छन्।
उनले मन्त्रालयलाई पटक–पटक धाएर धरानमा सप्तकोशीको पानी ल्याउने दीर्घकालीन योजना अघि बढाउन आग्रह गर्दै आएका थिए। तर सरकारले न्यून बजेट छुट्याएको र बाँकी रकम ऋणबाट ल्याउने भनिएकोप्रति उनले आपत्ति जनाएका हुन्।
![सेबोन अध्यक्ष भट्टले सार्वजनिक गरे पूँजी बजार विकासका १५ प्रमुख एजेन्डा [भिडियोसहित]](https://bajarkochirfar.com/wp-content/uploads/2026/07/89bc274a-9daf-4136-875c-cec0d72f8ee8-150x150.png)
![सेयर बजारका लागि कस्तो आयो मौद्रिक नीति ? [भिडियोसहित]](https://bajarkochirfar.com/wp-content/uploads/2026/07/maxresdefault-1-150x150.jpg)
प्रतिकृया