युनाइटेड अजोड इन्सुरेन्सको विशेष साधारण सभा भोलि बस्ने भएको छ । कम्पनीले हाल कायम चुक्ता पुँजीको १००ः१५ अनुपातमा हकप्रद सेयर जारी गर्ने प्रस्ताव पारित गर्न भोलि बिहीबार सभा आम्रपाली ब्यांकेट टंगाल काठमाडौंमा बिहान १०ः३० बजे बस्ने भएको हो ।
विशेष सभाबाट प्रस्ताव पारित भएपछि हकप्रद निष्कासन अनुमतिका लागि नेपाल धितोपत्र बोर्डमा आवेदन दिनुपर्ने व्यवस्था रहेको छ । धितोपत्र बोर्ड अनुमति दिएपछि हकप्रद निष्कासन प्रक्रिया अघि बढाइनेछ। हाल चुक्ता पूँजी २ अर्ब १० करोड रुपैयाँ रहेको छ । हकप्रद वितरण पश्चात कम्पनीको पूँजी २ अर्ब ४१ करोड ५० लाख रुपैयाँ पुग्नेछ ।
विशेष साधारण सभा प्रयोजनका लागि कम्पनीले जेठ २५ गते बुक क्लोज गरिसकेको छ । तसर्थ, जेठ २४ गतेसम्म कायम रहेका सेयरधनीले मात्र भाग लिन सक्नेछन।
#BajarkoChirfar #bazarkochirfar
Ads
प्रतिकृया