सांसद हरि ढकाल भन्छन्, “सरकारको अहिले शृङ्खला देखिन थालेको छ”

राष्ट्रिय स्वतन्त्र पार्टीका सांसद हरि ढकालले विश्वासको मत लिएको दुई दिनभित्र सरकारको शृङ्खला देखिन थालेको बताएका छन्। आइतबार संसद बैठकमा बोल्दै रास्वपा सांसदले त्यस्तो बताएका हुन् ।

सांसद भन्छन् ,नयाँ सरकार बन्दै गर्दा यो सरकारको उद्देश्य हामीलाई थाहा थियो । अहिले शृङ्खला देखिन थाल्या छ । पहिलो शृङ्खला सरकार गठनपछि मन्त्रिमण्डल बन्दा नै देखिएको थियो । अनुसन्धानको घेरा वरिपरि रहेकाहरूलाई मन्त्री दिएर पुरस्कृत गरियो । दोस्रो, प्रादेशिक मन्त्री बनाउँदा गुण्डानाइके, अपहरण–फिरौती तथा मानव बेचबिखनमा मुद्दा खेपेकालाई रोजियो।

तेस्रो  श्रृंखलामा एक अब्बल राष्ट्रसेवक कर्मचारी डिआइजी मनोज केसीलाई सरुवा गरियो । उहाँलाई कसरी सरुवा गरियो ? त्यो पनि विश्वासको मत लिएको दुई दिनभित्र । कुन उद्देश्यले यो सरकार बनेको हो भन्ने तर्क हामीले प्रस्तुत गरेका थियौँ । त्यही उद्देश्यका लागि यो गरिएको प्रष्ट भएको छ ।