पोर्चुगल राष्ट्रिय फुटबल टोलीका कप्तान क्रिस्टियानो रोनाल्डो ९ सय गोल पूरा गर्ने पहिलो खेलाडी बनेका छन्। उनले यो उपलब्धि नेसन्स लिगमा क्रोएसियाविरुद्ध २-१ को जितमा दोस्रो गोल गर्दै हासिल गरे। ३९ वर्षीय रोनाल्डोले खेलको ३४ औं मिनेटमा नुनो मेन्डेसको क्रसमा भलिमा गोल गर्दै यो ऐतिहासिक क्षण पूरा गरेका हुन्।
रोनाल्डोले पोर्चुगलका लागि २० वर्षको अन्तरालमा १ सय ३१ गोल गरेका छन्। गोल गरेपछि भावुक हुँदै घुँडा टेक्दै खुसी मनाएका थिए।
डिओगो डालोटले सातौं मिनेटमा पहिलो गोल गर्दै पोर्चुगललाई अग्रता दिलाएका थिए, तर ३१ औं मिनेटमा डालोटकै आत्मघाती गोलले स्कोर २-१ मा पुगेको थियो।
रोनाल्डोले आफ्नो ९ सय गोलको कीर्तिमान स्पोर्टिङ लिस्बनबाट ५, म्यानचेस्टर युनाइटेडबाट १ सय ४५, रियल म्याड्रिडबाट ४ सय ५०, युभेन्टसबाट १ सय १ र अल नासरबाट ६८ गोल गर्दै बनाएका छन्।
नेसन्स लिगको समूह एमा पोर्चुगल र पोल्याण्ड दुवै ३ अंकमा छन्।
प्रतिकृया