कामपाले डान्सबार तथा दोहोरी क्लबहरूलाई मनोरञ्जनकर बुझाउन दियो निर्देशन

काठमाडौं महानगरपालिकाले डान्सबार तथा दोहोरी क्लबहरूलाई मनोरञ्जनकर बुझाउन ३५ दिने सूचना जारी गरेको छ ।

महानगरपालिकाले कर बुझाउन पटकपटक लिखित तथा मौखिक जानकारी गराउँदा पनि अटेर गरेका ४४ डान्सबार/दोहोरी साँझ तथा नाइट क्लबलाई ३५ दिनभित्र कर बुझाउन निर्देशन जारी गरेको हो । तोकिएको समयमा कर नबुझाएमा आर्थिक ऐन, २०८० को दफा २१ बमोजिम कारबाही हुने पनि महानगरले सार्वजनिक सूचनामार्फत चेतावनी समेत दिएको छ ।