आईपीओ निष्कासनको प्रस्तावसहित सिड इनर्जी लिमिटेडको साधारणसभा आह्वान

सिड इनर्जी लिमिटेडले  आईपीओ निष्कासनको मुख्य प्रस्तावसहित तेस्रो वार्षिक साधारणसभा आह्वान गरेको छ । असोज १५ गते बसेको कम्पनी सञ्चालक समितिको बैठकले  तेस्रो वार्षिक साधारणसभा आगामी कात्तिक ९ गते सभा आह्वान गरेको हो। सभा ललितपुरको जावलाखेलमा रहेको कम्पनीको रजिष्टर्ड कार्यालयमा २ बजेदेखि सुरु हुनेछ ।

उक्त सभामा कम्पनीको सार्वजनिक निष्काशन (आइपीओ) निष्कासनलाई  निरन्तरता दिने  विशेष प्रस्ताव पारित गरिनेछ । त्यस्तै, सभामा सञ्चालक समितिले प्रस्तुत गर्ने आर्थिक वर्ष २०८०/८१ को वार्षिक प्रतिवेदनमा छलफल गरी पारित गर्ने, लेखापरीक्षण प्रतिवेदन सहितको २०८१ असार मसान्तसम्मको वासलात, सोही मितिमा समाप्त भएको आव २०८०/८१ को नाफा / नोक्सान हिसाब तथा नगद प्रवाहको विवरण र  सम्बन्धित अनुसूचिहरुमाथि छलफल गरी पारित गर्ने र सञ्चालक समितिले आव २०८०/८१ मा गरेका निर्णयहरु तथा कार्यहरुको अनुमोदन गर्ने प्रस्ताव पारित गरिनेछ ।

Ads

Ads

Ads

साथै, सभामा आर्थिक वर्ष २०८१/८२ को लेखा परीक्षण गर्नका लागि लेखा परीक्षकको नियुक्ति तथा निजको पारिश्रमिक निर्धारण गर्ने प्रस्ताव समेत पारित गरिनेछ ।