नेपाली कांग्रेसका सभापति शेरबहादुर देउवा र नेकपा माओवादी केन्द्रका उपमहासचिव जनार्दन शर्माबीच समसामयिक राजनीतिक विषयमा शुक्रबार छलफल भएको छ।
शर्मा देउवालाई भेट्न बूढानीलकण्ठ पुग्दा दुबै नेताबीच देशको वर्तमान राजनीतिक अवस्थाबारे कुराकानी भएको हो। भेटपछि शर्माले भने, “पूर्वप्रधानमन्त्री तथा नेपाली कांग्रेसका सभापति शेरबहादुर देउवासँग देशको समसामयिक राजनीतिक परिस्थितिबारे छलफल भयो।”
यसअघि, माओवादी केन्द्रले आजदेखि सुरु गरेको मध्यपहाडी लोकमार्ग केन्द्रित अभियानको उद्घाटनका लागि डडेलधुरा पुगेका पार्टी अध्यक्ष पुष्पकमल दाहाल ‘प्रचण्ड’ले देउवालाई फोन सम्पर्क गरेका थिए।
प्रचण्डको फोन वार्तापछि जनार्दन शर्मा देउवालाई भेट्न पुगेका हुन्।
प्रतिकृया