ट्रम्पले भने, “अमेरिकामा जन्मिएकालाई स्वतः नागरिकता दिने व्यवस्था हटाउँछु”

Ads

अमेरिकाका नवनिर्वाचित राष्ट्रपति डोनाल्ड ट्रम्पले अमेरिकामा जन्मिएका तर आवश्यक कागजात नभएका व्यक्तिलाई स्वतः नागरिकता दिने नीति अन्त्य गर्ने घोषणा गरेका छन्। अमेरिकी संविधानको १४औं संशोधनअनुसार अमेरिकामा जन्मिएका बच्चालाई नागरिकता दिने व्यवस्था थियो।

यद्यपि, ट्रम्पले बाल्यकालमा अमेरिका आएका अवैध आप्रवासीहरूलाई मद्दत गर्न डेमोक्र्याट्ससँग सहकार्य गर्ने प्रस्ताव गरेका छन्। उनले अवैध आप्रवासीहरूलाई देशबाट निकाल्ने कुरा पनि दोहोर्‍याएका छन्।

Ads

एनबीसीसँगको अन्तर्वार्तामा उनले नाटोबाट बाहिर निस्कनका बारेमा गम्भीर विचार गर्ने कुरा पनि बताए। आफ्नो कार्यकालको पहिलो दिनमा उनले २०२१ को यूएस क्यापिटल हिल दंगामा संलग्न व्यक्तिहरूलाई माफी दिने बताए र आप्रवासन, ऊर्जा र अर्थतन्त्रमा सुधारका लागि आदेश जारी गर्ने घोषणा गरे।

(एजेन्सीहरुको सहयोगमा)