अण्डाको माग बढेसँगै नेपाल लेयर्स कुखुरापालक सङ्घले आजदेखि लागू हुने गरी अण्डाको समर्थन मूल्य बढाएको छ।
सङ्घका अनुसार एक्सएल अण्डा प्रतिक्रेट ५६० रुपैयाँ, ठूलो ५४५ रुपैयाँ र मिडियम ५०० रुपैयाँ कायम गरिएको छ। सानो अण्डाको समर्थन मूल्य प्रतिपेटी (७ क्रेट) ३ हजार रुपैयाँ तोकिएको छ।
सङ्घका अध्यक्ष विनोद पोखरेलका अनुसार बर्डफ्लुको सङ्क्रमण घट्नु र कुखुराको संख्या कम हुँदा अण्डाको उत्पादन घटेकाले माग बढेको हो। तर, मूल्य बढे पनि किसानले अझै लागत मूल्य पाउन नसकेको उनको भनाइ छ।
किसानका लागि अण्डाको लागत प्रतिगोटा १९ रुपैयाँ १२ पैसा अर्थात् प्रतिक्रेट ५७३ रुपैयाँ ६० पैसा पर्ने सङ्घले जनाएको छ। बर्डफ्लु र उत्पादन घट्दा किसानले ठूलो क्षति व्यहोरेको तथा लागत नउठेपछि केही किसान यो व्यवसायबाट पलायन हुन थालेका छन्।
Ads
प्रतिकृया