सिरियाका राष्ट्रपति बशर अल असद राजधानी छाडेर भागे

Ads

सिरियामा इस्लामिक विद्रोही समूहले राजधानी दमास्कस कब्जा गर्ने प्रयास गर्दा राष्ट्रपति बशर अल असद राजधानी छाडेर भागेका छन्। विद्रोहीहरू उत्तर, पूर्व र दक्षिणतर्फबाट राजधानी प्रवेश गर्दा असदलाई दमास्कस छोड्न बाध्य बनाएको हो।

मिडिया रिपोर्टका अनुसार, राजधानीमा गोली चलेको र एक निजी विमान उडेको देखिएको छ, जसमा राष्ट्रपति असद हुनसक्ने अड्कल गरिएको छ।

Ads

विद्रोहीहरूले सिरियाका प्रमुख शहरहरू, जस्तै हमा, देरा र होम्स पनि कब्जा गरेका छन्। होम्सको कब्जाले दमास्कसको सम्पर्क अन्य शहरसँग टुटाएको छ।

सरकारी सेनाले विद्रोहीहरूको सामना गर्दा कमजोर देखिएको छ, र कतिपय स्थानमा सेनाले आत्मसर्पण गरेको वा भागेको देखिन्छ। विद्रोहीहरूले असदका पिता हाफिज अल असदका प्रतिमा तोडफोड गरेका छन्।