६ महिनामै ३३ प्रतिशतले बढ्यो सेयर धितो कर्जा, १ करोड माथिको ऋण लिएर लगानी गर्नेको ओइरो

चालु आर्थिक वर्ष २०८२/८३ को दोस्रो त्रैमास (साउन–पुस)सम्म बैंकहरुबाट प्रवाह हुने सेयर धितो कर्जा ३३.९५ प्रतिशतले वृद्धि भएको छ। नेपाल राष्ट्र बैंकका तथ्यांकअनुसार, पुससम्म बैंकहरुले कुल १ खर्ब ५२ अर्ब ४० करोड ३३ लाख रुपैयाँ सेयर धितो कर्जा दिएको छन्। अघिल्लो आर्थिक वर्ष सोही अवधिमा यो कर्जा १ खर्ब १३ अर्ब ७७ करोड ६७ लाख रुपैयाँ थियो।

विशेषगरी, १ करोड रुपैयाँभन्दा माथिको कर्जा १ खर्ब ६ अर्ब ११ करोड ५१ लाख रुपैयाँ पुगेको छ, जुन अघिल्लो वर्षको तुलनामा ४०.६६ प्रतिशतले बढी हो। अघिल्लो वर्ष पुससम्म १ करोड रुपैयाँभन्दा माथिको कर्जा ७५ अर्ब ४४ करोड २४ लाख रहेको थियो।

Ads

Ads

Ads

समीक्षा अवधिसम्म बैंकहरुबाट ५० लाख रुपैयाँ माथि १ करोड रुपैयाँसम्मको कर्जा १८ अर्ब ७ करोड ९१ लाख रुपैयाँ, २५ लाख रुपैयाँदेखि ५० लाख रुपैयाँसम्मको कर्जा १९ अर्ब ३८ करोड २० लाख रुपैयाँ र २५ लाख रुपैयाँसम्मको कर्जा ८ अर्ब ८२ करोड ७१ लाख रुपैयाँ गएको छ।

अघिल्लो वर्ष पुससम्म बैंकहरुबाट ५० लाख रुपैयाँ माथि १ करोड रुपैयाँसम्मको कर्जा १४ अर्ब २८ करोड १९ लाख रुपैयाँ, २५ लाख रुपैयाँदेखि ५० लाख रुपैयाँसम्मको कर्जा १६ अर्ब १४ करोड ४७ लाख रुपैयाँ र २५ लाख रुपैयाँसम्मको कर्जा ७ अर्ब ९० करोड ७७ लाख रुपैयाँ गएको थियो।