सानिमा बैंकले कमायो साढे २ अर्ब नाफा, लाभांश क्षमता दोब्बरले बढ्यो

सानिमा बैंक लिमिटेडले गत आर्थिक वर्ष २०८१/८२ को चौथो त्रैमाससम्मको अपरिष्कृत वित्तीय विवरण प्रकाशित गरेको छ। प्रकाशित विवरणअनुसार, बैंकको खुद नाफा ७.२५ प्रतिशतले बढेर २ अर्ब ५७ करोड ११ लाख रुपैयाँ पुगेको छ। अघिल्लो वर्षको सोही अवधिमा बैंकले २ अर्ब ३९ करोड रुपैयाँ खुद नाफा कमाएको थियो।

चौथो त्रैमाससम्ममा सानिमा बैंकको खुद ब्याज आम्दानी २.८२ प्रतिशतले बढेर ६ अर्ब ३५ करोड ५९ लाख रुपैयाँ पुगेको छ भने कुल सञ्चालन आम्दानी ८.४८ प्रतिशतले बढेर ८ अर्ब ६० करोड रुपैयाँ पुगेको छ। यता, सञ्चालन नाफा २.९७ प्रतिशतले बढेर ३ अर्ब ५७ करोड रुपैयाँ पुगेको छ।

Ads

Ads

Ads

समीक्षा अवधिमा बैंकले २ खर्ब २३ अर्ब ४१ करोड रुपैयाँ निक्षेप संकलन गरी १ खर्ब ७६ अर्ब ३९ करोड रुपैयाँ कर्जा प्रवाह गरेको छ।

बैंकको चुक्ता पूँजी १३ अर्ब ५८ करोड रुपैयाँ रहेको छ भने रिजर्भमा ६ अर्ब ६० करोड रुपैयाँ सञ्चित रहेको छ। बैंकको प्रतिसेयर आम्दानी १ रुपैयाँ २८ पैसाले ८ बढेर  १८ रुपैयाँ ९३ पैसा पुगेको छ भने प्रतिसेयर नेटवर्थ १६८ रुपैयाँ ८३ पैसा रहेको छ।

चौथो त्रैमाससम्ममा सानिमा बैंकको वितरणयोग्य नाफा ९१.९४ प्रतिशतले बढेर २ अर्ब ७७ करोड ८० लाख रुपैयाँ पुगेको छ भने लाभांश क्षमता अघिल्लो आर्थिक वर्षको तुलनामा झण्डै दोब्बरले बढेर २०.४७ प्रतिशत पुगेको छ। अघिल्लो आर्थिक वर्षमा बैंकको लाभांश क्षमता १०.६६ प्रतिशत थियो।

Ads

बैंकको मूल्य–आम्दानी अनुपात १९.८० गुणा र तरलता रेसियो ३०.९४ प्रतिशत कायम छ।

खराब कर्जा अनुपात १.२९ प्रतिशतविन्दुले बढेर ३.०१ प्रतिशतमा पुगेको छ।

अन्य कम्पनीहरूको चौथो त्रैमासको वित्तीय विवरण सहज रूपमा पढ्न हामीलाई Facebook मा Follow गर्नुहोस्।