रिलायन्स स्पिनिङ मिल्सको आईपीओ बाँडफाँड सम्पन्न, आईपीओ नपरेकाहरुको पैसा आजै फिर्ता हुने

रिलायन्स स्पिनिङ मिल्स लिमिटेडले पुस ७ देखि पुस ११ गतेसम्म सर्वसाधारणका लागि खुला गरेको आईपीओ आज बाँडफाँड भएको छ। कम्पनीले प्रतिकित्ता ८२०.८० रुपैयाँ, अर्थात् ५० कित्ताका लागि ४१ हजार ४० रुपैयाँको दरले कुल ९,२४,७६८ कित्ता आईपीओ बिक्री खुला गरेको थियो।

बिक्री अवधिभर ५,३२,८८८ जनाले आवेदन दिएका थिए। यसमा १३,८४२ आवेदन रद्द भएको थियो भने ५,१९,०४६ आवेदन मात्र स्वीकृत भएको छ। स्वीकृत आवेदकमध्ये १८,४९५ जनाले ५०/५० कित्ताका दरले आईपीओ पाएका छन्। तीमध्ये १८ जनाले थप १ कित्ता गरी कुल ५१ कित्ता पाएका छन्। बाँकी सबै आवेदकको हात रित्तिएको छ।

Ads

Ads

Ads

बाँडफाँडको नतिजा अनलाइनमार्फत सार्वजनिक हुन केही समय लाग्नेछ। बिक्री प्रबन्धक ग्लोबल आइएमई क्यापिटल लिमिटेडका अनुसार आईपीओ नपरेका लगानीकर्ताको रकम आजै फिर्ता गरिनेछ। यसका लागि सम्बन्धित बैंकहरूलाई आज नै पत्राचार गरिनेछ र यदि कारणबस आज फिर्ता हुन नसकेमा ढिलोमा सोमबारसम्म रकम फिर्ता भइसक्ने जानकारी दिइएको छ।