गभर्नरमा विश्व पौडेललाई नियुक्ति गर्नेसहित यस्ता छन् मन्त्रिपरिषद् बैठकका अन्य निर्णयहरू

मन्त्रिपरिषद् बैठकका निर्णयहरू बिहीबार सञ्चार तथा सूचना प्रविधि मन्त्री पृथ्वीसुब्बा गुरुङले पत्रकार सम्मेलनमार्फत सार्वजनिक गरेका छन्। बैठकले नेपाल राष्ट्र बैंकको गभर्नरमा डा. विश्व पौडेललाई नियुक्ति गरेको छ भने केही मन्त्रीहरूको विदेश भ्रमणको स्वीकृति पनि प्रदान गरेको छ।

त्यस्तै, नेपाली सेनाका महासेनानीको पदावधि थप गर्ने निर्णय भएको छ। साथै, अधिकार सम्पन्न बागमती सभ्यता एकीकृत विकास समिति (पाँचौँ संशोधन) आदेश २०८२ स्वीकृत गरिएको छ।

Ads

बैठकले सुर्खेत उपत्यका नगर विकास समितिको स्वामित्वमा रहेको जग्गा मुख्यमन्त्री तथा मन्त्रिपरिषद् कार्यालय, कर्णाली प्रदेशको प्रशासकीय भवन निर्माणको प्रयोजनका लागि कर्णाली प्रदेश सरकारलाई उपलब्ध गराउन सहरी विकास मन्त्रालयलाई स्वीकृति दिने निर्णय पनि गरेको छ। यसरी बैठकमा सरकारका विभिन्न महत्वपूर्ण निर्णयहरू पारित भएका छन्।

यो खबर पढेर तपाईलाई कस्तो महसुस भयो ?