नेपाल राष्ट्र बैंकले रु. १ हजार दरको नयाँ नोट छाप्ने ठेक्का चाइना बैंकनोट प्रिन्टिङ एन्ड मिन्टिङ कर्पोरेसनलाई दिएको छ। केन्द्रीय बैंकले आज जारी गरेको सूचनाअनुसार, उक्त कम्पनीले नोट छाप्ने कामको लागि १ करोड ६९ लाख ८५ हजार अमेरिकी डलरको ठेक्का पाएको छ।
राष्ट्र बैंकले अन्तर्राष्ट्रिय बोलपत्र आह्वान गरी रु. १ हजार दरको नयाँ नोट छाप्न इच्छुक कम्पनीहरुलाई प्रस्ताव पेश गर्न आग्रह गरेको थियो। अब उक्त चिनियाँ कम्पनीले ४३ करोड थान नयाँ नोट छाप्नेछ।
कम्पनीले नोटको डिजाइन, छपाइ र आपूर्तिसम्बन्धी सबै काम गर्नेछ। यसअघि पनि सोही कम्पनीले राष्ट्र बैंकबाट रु. ५० दरको नयाँ नोट छाप्ने ठेक्का पाएको थियो।
प्रतिकृया