नेको इन्स्योरेन्स लिमिटेडले आउँदो जेठ ९ गते बिहान ११ बजे नक्सालस्थित लिसारा रिसेप्सनमा २९औं वार्षिक साधारण सभा आयोजना गर्ने भएको छ।सभाको प्रमुख एजेन्डामा हाल कायम चुक्ता पूँजीको आधारमा ७ प्रतिशत बोनस सेयर (अर्थात् १०० कित्ता सेयरमा ७ कित्ताको दरले) र ०.३६८४ प्रतिशत नगद लाभांश (करसहित) वितरणको प्रस्ताव पारित गर्ने योजना रहेको छ।
त्यसका साथै, सभाले अघिल्लो आर्थिक वर्षको वार्षिक प्रतिवेदन तथा वित्तीय विवरणहरू अनुमोदन गर्नेछ। चालू आर्थिक वर्षका लागि लेखापरीक्षकको नियुक्ति र उनको पारिश्रमिक निर्धारण गर्ने प्रस्ताव पनि सभामा प्रस्तुत गरिनेछ। साथै, कम्पनीको प्रबन्धपत्र तथा नियमावलीमा आवश्यक संशोधन गर्न सञ्चालक समितिलाई अख्तियारी दिने प्रस्ताव पनि पारित गरिनेछ।
साधारण सभा तथा लाभांश वितरण प्रयोजनका लागि कम्पनीले वैशाख ३० गते बुक क्लोज गर्नेछ। यस आधारमा वैशाख २९ गतेसम्म नेप्सेमा कायम रहेका सेयरधनीहरूले मात्र सभामा भाग लिन र लाभांश प्राप्त गर्न सक्नेछन्।
प्रतिकृया