महालक्ष्मी विकास बैंकले पुस २९ गते वार्षिक साधारण सभा गर्ने भएको छ। पुस ५ गते बसेको सञ्चालक समितिको बैठकले साधरण सभा बस्ने निर्णय गरेको हो। सभा काठमाडौंको एलिस रिसेप्सन, सुवर्ण शम्शेर मार्ग, ग्रह्रीधारामा बिहान १० बजे सुरु हुनेछ।
सभामा आर्थिक वर्ष २०८०/८१ को नाफाबाट सेयरधनीहरूलाई कुल ७ प्रतिशत लाभांश वितरण गर्ने प्रस्ताव पारित हुनेछ, जसमा ३ प्रतिशत बोनस सेयर र करसहित ४ प्रतिशत नगद लाभांश समावेश छ। साथै, आर्थिक वर्ष २०८०/८१ को वासलात, नाफा-नोक्सान हिसाब र नगद प्रवाहमाथि छलफल गरिनुका साथै आर्थिक वर्ष २०८१/८२ का लागि लेखापरीक्षक नियुक्त गर्ने र पारिश्रमिक निर्धारण गर्ने एजेन्डाहरू पनि रहेका छन्।
सभा प्रयोजनका लागि पुस १६ गते बुक क्लोज गरिनेछ। त्यसैले, पुस १४ गतेसम्म कायम रहेका सेयरधनीहरूले मात्र सभामा सहभागी हुन र प्रस्तावित लाभांश प्राप्त गर्न सक्नेछन्।
प्रतिकृया