शिखर पावर डेभलपमेन्ट लिमिटेडले सामूहिक लगानी कोषहरूलाई बाँडफाँड गरेको १ लाख ११ हजार कित्ता साधारण सेयरको लक–इन अवधि आगामी २०८३ असोज २ गते समाप्त हुने भएको छ।
नेपाल धितोपत्र बोर्डबाट प्राप्त निर्देशनअनुसार उक्त सेयरको लक–इन अवधि असोज २ गते समाप्त हुने जानकारी कम्पनीले दिएको हो।
कम्पनीको जारी पूँजी ९८ करोड रुपैयाँ रहेको छ। कम्पनीले सर्वसाधारणका लागि छुट्याएको सेयरमध्ये आयोजना प्रभावित क्षेत्रका स्थानीय बासिन्दाका लागि ९ लाख ८० हजार कित्ता सेयर बाँडफाँड गरेको थियो।
बाँकी सेयरमध्ये ५ प्रतिशत अर्थात् १ लाख ११ हजार कित्ता साधारण सेयर सामूहिक लगानी कोषहरूका लागि छुट्याइएको थियो। उक्त सेयर सर्वसाधारणमा बाँडफाँड भएको मितिले ६ महिनासम्म बिक्री गर्न नपाउने गरी लक–इनमा राखिएको थियो।
छ महिनाको उक्त अवधि असोज २ गते पूरा हुने कम्पनीले जनाएको छ। कम्पनीको सेयर रजिस्ट्रारको जिम्मेवारी ग्लोबल आइएमई क्यापिटल लिमिटेडले सम्हाल्दै आएको छ।
![बाढीले क्षति पुर्याएका हाइड्रोहरुको अब के हुन्छ ? [भिडियोसहित]](https://bajarkochirfar.com/wp-content/uploads/2026/08/fPAJ12HDU24-maxresdefault-150x150.jpg)
प्रतिकृया