नेपाल विद्युत् प्राधिकरणका कार्यकारी निर्देशक कुलमान घिसिङले मुलुकमा लोडसेडिङ भएको हल्ला लोडसेडिङबाट फाइदा उठाउने समूहले फैलाएको आरोप लगाएका छन्। नेपाल पूर्वाधार पत्रकार समाजद्वारा आयोजित कार्यक्रममा बोल्दै उनले प्राधिकरणले कुनै लोडसेडिङ घोषणा नगरेको स्पष्ट पार्दै केही प्राविधिक समस्याका कारण मात्र जलविद्युत् वितरण प्रभावित भएको जानकारी दिए।
उनका अनुसार माथिल्लो तामाकोसी र कालिगण्डकी जलविद्युत् आयोजनाहरू सञ्चालनमा आएपछि लोडसेडिङको समस्या पूर्ण रूपमा समाधान हुनेछ। आगामी १० दिनभित्र यी आयोजनाहरूको विद्युत् प्रणालीमा जोडिएपछि समस्या हट्ने उनले बताए।
घिसिङले व्यस्त समयमा केही उद्योगहरूको लाइन काटिएको उल्लेख गर्दै, त्यसले सर्वसाधारणलाई सहज बनाएको दाबी गरे। तर, केही उद्योगीहरूले प्राधिकरणले लोडसेडिङ घोषणा गरेको भनी हल्ला फैलाएको आरोप लगाए।
उनले प्राधिकरणलाई घाटामा पारेर फाइदा लिने समूहको सक्रियताप्रति पनि ध्यानाकर्षण गराए। जनतालाई लोडसेडिङमा राखेर उद्योगहरूले प्रयोग गरेको विद्युत्को भुक्तानी गर्नुपर्ने उनको भनाइ थियो।
यस क्रममा, घिसिङले ऊर्जा मन्त्रालयप्रति पनि असन्तुष्टि जनाउँदै बाढीका कारण क्षति भएका आयोजनाहरू पुनर्निर्माणमा आवश्यक सहयोग नपाइएको उल्लेख गरे।
प्रतिकृया