श्रम, रोजगार तथा सामाजिक सुरक्षा मन्त्रालय अन्तर्गतको व्यावसायिक प्रशिक्षण केन्द्र इटहरीले नि:शुल्क तालिम सञ्चालनका लागि आवेदन आह्वान गरेको छ। तालिम दिइने विषयहरूमा बार टेन्डर, कम्प्युटर अपरेटर (बेसिक), एडभान्स कटाइ सिलाइ, एडभान्स ब्युटिसियन, बेकर र वारिष्टा रहेका छन्। प्रत्येक विषयका लागि २० जनाको सिट सङ्ख्या तोकिएको छ। आवेदन दिने उम्मेदवारको उमेर १८ वर्ष पूरा भई ४५ वर्ष ननाघेको हुनुपर्नेछ। आवेदनका साथमा नेपाली नागरिकताको प्रतिलिपि, ३ प्रति पासपोर्ट साइज फोटो र शैक्षिक योग्यताको प्रमाणपत्र पेश गर्नुपर्नेछ। एडभान्स कोर्सको हकमा सम्बन्धित विषयमा बेसिक तालिम लिएको हुनुपर्नेछ। तालिमको अवधि विषय अनुसार ३३ देखि ५४ कार्य दिनको हुनेछ र सहभागी प्रशिक्षार्थीलाई दैनिक ५० रुपैयाँ खाजा भत्ता समेत उपलब्ध गराइनेछ। विपन्न, दलित, अपाङ्ग, सहिद परिवार र पिछडिएको क्षेत्रका व्यक्तिलाई प्राथमिकता दिइने सूचनामा उल्लेख छ।
थप सुचनामा:
