घलेम्दी हाइड्रो लिमिटेडले गत आर्थिक वर्षको चौथो त्रैमाससम्मको अपरिष्कृत वित्तीय विवरण सार्वजनिक गरेको छ। प्रकाशित विवरणअनुसार, कम्पनीको घाटा ५६.७१ प्रतिशतले घटेर ३ करोड ३३ लाख रुपैयाँमा सीमित भएको छ। अघिल्लो वर्षको सोही अवधिमा कम्पनीले ७ करोड ६९ लाख रुपैयाँ घाटा व्यहोरेको थियो।
विद्युत बिक्री आम्दानी र अन्य आम्दानी वृद्धि तथा खर्चमा कमी हुँदा घाटा घटेको हो। समीक्षा अवधिमा कम्पनीको विद्युत बिक्री आम्दानी २१.९४ प्रतिशतले बढेर १२ करोड ३८ लाख रुपैयाँ पुगेको छ। यस्तै, ब्याज आम्दानी ३ करोड १२ लाख रुपैयाँ र अन्य आम्दानी १ लाख ७ हजार रुपैयाँसहित कुल आम्दानी २५.१६ प्रतिशतले बढेर १५ करोड ५२ लाख रुपैयाँ पुगेको छ।
कुल खर्च ७.४८ प्रतिशतले घटेर १८ करोड ७ लाख रुपैयाँमा सीमित भएको छ भने वित्तीय खर्च २६.९६ प्रतिशतले घटेको छ।
१ अर्ब ६५ करोड रुपैयाँ चुक्ता पूँजी रहेको कम्पनीको रिजर्भ २४ करोड २८ लाख रुपैयाँ ऋणात्मक अवस्थामा रहेको छ भने सेयर प्रिमियम शीर्षकमा १८ करोड १५ लाख रुपैयाँ छ। कम्पनीको अल्पकालीन कर्जा ६ करोड १८ लाख रुपैयाँ र दीर्घकालीन कर्जा ६८ करोड ५९ लाख रुपैयाँ रहेको छ।
समीक्षा अवधिमा कम्पनीको प्रतिसेयर आम्दानी २ रुपैयाँ २ पैसाले ऋणात्मक रहेको छ। यस्तै, प्रतिसेयर नेटवर्थ ९६ रुपैयाँ ४० पैसा, प्रतिसेयर कुल सम्पत्तिको मूल्य १४२ रुपैयाँ ३ पैसा, मूल्य आम्दानी अनुपात १३१.४१ गुणा ऋणात्मक र तरलता अनुपात १३.६२ प्रतिशत रहेको छ।
Adsअन्य कम्पनीहरूको चौथो त्रैमासको वित्तीय विवरण सहज रूपमा पढ्न हामीलाई Facebook मा Follow गर्नुहोस्।
प्रतिकृया