१० वटा ठूला वाणिज्य बैंकको ‘लोन पोर्टफोलियो रिभ्यु’ बंगलादेशी कम्पनीले गर्ने

नेपाल राष्ट्र बैंकले वाणिज्य बैंकहरूले लगानी गरेको ऋणसम्बन्धी सम्पत्तिको वित्तीय गुणस्तर परीक्षण गर्न बंगलादेशको हवलदार युनुस एन्ड को चार्टर्ड अकाउन्टेन्ट कम्पनीलाई परामर्शदाता चयन गरेको छ। सार्वजनिक खरिद ऐन २०६३ को दफा ३८(२) अनुसार प्राविधिक र वित्तीय मूल्यांकनको आधारमा यो कम्पनी छनोट गरिएको हो। करबाहेक ६२ लाख ५४ हजार रुपैयाँमा सेवा दिने गरी नियुक्त गरिने कम्पनी बंगलादेशमा मुख्यालय रहेको ५० वर्ष पुरानो संस्था हो।

अन्तर्राष्ट्रिय मुद्रा कोष (IMF) को सिफारिसमा राष्ट्र बैंकले विदेशी संस्थामार्फत गहिरो वित्तीय परीक्षण गर्न लागेको हो, जसको उद्देश्य बैंकहरूमा एभर ग्रिनिङ जस्ता गलत अभ्यासको पहिचान गर्नु हो। यसअघि राष्ट्र बैंकको बोलपत्रमा ६ कम्पनी सहभागी भए पनि प्राविधिक प्रस्तावबाट हवलदार युनुस मात्र योग्य ठहरिएको थियो। प्रक्रिया सर्वोच्च अदालतको अन्तरिम आदेशले रोकिएको थियो, जुन असार ९ गतेको आदेशपछि हटेपछि राष्ट्र बैंकले बाँकी प्रक्रिया अघि बढाएको हो।

Ads

Ads

Ads