सरकारले बोतल तथा जारमा बिक्री हुने प्रशोधित खानेपानीको अधिकतम खुद्रा मूल्य (एमआरपी) निर्धारण गरेको छ।
वाणिज्य, आपूर्ति तथा उपभोक्ता संरक्षण विभागका अनुसार काठमाडौं उपत्यकाभित्र १ लिटर बोतलको पानीको मूल्य १६ रुपैयाँ र २० लिटर जारको पानीको मूल्य ४७ रुपैयाँ तोकिएको छ। त्यस्तै उपत्यकाबाहिर १ लिटर बोतलको पानी २० रुपैयाँ र २० लिटर जारको पानी ६० रुपैयाँसम्ममा बिक्री गर्न पाइने व्यवस्था गरिएको विभागले जनाएको छ।
विभागले तोकिएको मूल्यभन्दा बढीमा प्रशोधित पानी बिक्री गरे उपभोक्ता हित संरक्षण ऐन, २०७५ तथा सम्बन्धित नियमावली, २०७६ अनुसार कानुनी कारबाही हुने चेतावनी दिएको छ।
साथै, उपभोक्ताले निर्धारित मूल्यभन्दा बढीमा पानी बिक्री भएको पाइएमा सम्बन्धित कार्यालय वा स्थानीय प्रशासनलाई जानकारी गराउन सक्ने उल्लेख गरिएको छ। विभागले आम उपभोक्तालाई सचेत रहन र आफ्नो हक–अधिकार सुनिश्चित गर्न समेत आग्रह गरेको छ।
![नेप्सेमा बटम बन्यो? मौद्रिक नीति, असार मसान्त र सेबोन नेतृत्वले बजारलाई कहाँ पुर्याउला ?[भिडियोसहित]](https://bajarkochirfar.com/wp-content/uploads/2026/07/9c2JAZtEdNU-maxresdefault-150x150.jpg)
![सानिगाडको IPO परेको छ ? अब के होला ? Long Term Hold गर्दा के होला ? [भिडियोसहित]](https://bajarkochirfar.com/wp-content/uploads/2026/07/maxresdefault-150x150.jpg)
प्रतिकृया