१५० प्रतिशत हकप्रद जारी गर्न आँखुखोला जलविद्युतले तोक्यो बुकक्लोज मिति

Ads

आँखुखोला जलविद्युत कम्पनी लिमिटेडले १५० प्रतिशत हकप्रद सेयर निष्कासन प्रयोजनका लागि बुक क्लोजको मिति तय गरेको छ । असार १९ गते नियामक निकाय नेपाल धितोपत्र बोर्डबाट उक्त हकप्रद सेयर निष्कासनका लागि अनुमति पाएसँगै कम्पनीले साउन १ गते बुक क्लोज गर्ने निर्णय गरेको हो ।

कम्पनीले हकप्रद सेयर निष्कासनको मितिभने तय गर्न बाँकी छ । बुक क्लोजको आधारमा असार ३१ गतेसम्म कायम सेयरधनीहरुले मात्र कम्पनीको हकप्रद शेयर खरीद गर्न सक्नेछन् । कम्पनीले प्रतिकित्ता १०० रुपैयाँ अंकित मूल्यका दरले एक अर्ब २० करोड रुपैयाँ बराबरको १ करोड २० लाख कित्ता हकप्रद सेयर निष्कासन तथा बिक्री खुला गर्नेछ ।