पाँच वर्ष पुरानो लाभांश बुझिलिन हिमालयन एभरेष्ट इन्स्योरेन्सको आग्रह

हिमालयन एभरेष्ट इन्स्योरेन्स लिमिटेडले पाँच वर्ष पुरानो लाभांश लिन सम्बन्धित सेयरधनीहरुलाई आग्रह गरेको छ । साबिक हिमालयन जनरल र साविक एभरेष्ट इन्स्योरेन्सका केही सेयरधनीले हालसम्म पनि लाभांश नबुझेकाले कम्पनीले सूचना जारी गर्दै ३५ दिनभित्र कम्पनीको सेयर रजिष्ट्रार एनएमबि क्यापिटल लिमिटेडमा सम्पर्क गरी लाभांश बुझिलिन आग्रह गरेको हो ।

नगद लाभांश सम्बन्धित शेयरधनीहरुको बैंक खातामा जम्मा गरिने भएकाले हालसम्म पनि आफ्नो बैंक खाता नम्बर अद्यावधिक नगराएका सेयरधनीहरुले यथासिघ्र गराउन पनि कम्पनीले आग्रह गरेको छ । तोकिएको अवधिभित्र आफ्नो नगद लाभांश नबुझे लगानीकर्ता संरक्षण कोषमा जम्मा गरिने जानकारी समेत कम्पनीले दिएको छ ।