नेपाली यू-१९ महिला क्रिकेट टोली पहिलो पटक विश्वकपमा, विश्वकप कहिले देखि सुरु ?

नेपालको यू–१९ महिला टोलीले पहिलो पटक टी–२० विश्वकपमा छनोट भएको छ। यूएईमा सम्पन्न एसिया छनोटमा नेपालले उत्कृष्ट प्रदर्शन गर्दै ८३ रनको लक्ष्य १६ ओभरमै पुरा गरेर विश्वकपमा स्थान बनायो। यस जितले नेपालका महिला खेलाडीहरूलाई थप प्रेरणा मिलेको छ।

यूएईमा भएको छनोटमा नेपाल, कुवेत, थाइल्याण्ड, र यूएईबीच प्रतिस्पर्धा भएको थियो। नेपालले डबल राउण्ड रोबिनको खेलमा सबैलाई हराउँदै यूएईसँग १३ रनले पराजित भए तापनि नेट रन रेटका आधारमा अघि बढ्यो। टस हारेर बलिङ गरेको नेपालले कृष्मा गुरुङको ४ विकेट मद्दतमा यूएईलाई ८३ रनमै रोक्न सफल भयो। ८४ रनको लक्ष्य पछ्याउँदा साना प्रविनले ३५ रन बनाउँदै टिमलाई जित दिलाइन्।

यो सफलतामा प्रशिक्षक रिजालको महत्त्वपूर्ण योगदान रहेको छ। यसअघि २०२२ मा यू–१९ विश्वकप छनोटको प्रयासमा असफल नेपालले यस पटक लामो तयारी र अभ्यासको बलमा इतिहास रच्यो। अब जनवरी १८ देखि फेब्रुअरी ७ सम्म मलेसियामा हुने प्रतियोगितामा नेपालले विश्वकप खेल्नेछ।